12

قومی خبریں – نواز شریف ایک فرد نہیں نظریئے کا نام ہے، شہباز شریف – Latest News

پاکستان مسلم لیگ (ن) کے صدر اور وزیر اعلیٰ پنجاب محمد شہباز شریف نے کہا ہے کہ نواز شریف ایک فرد کا نہیں ، نظریئے کا نام ہے ۔ ان کا یہ بھی کہنا تھا کہ آج کا دن پاکستان اور پاکستانی قوم کیلئے ایک آزمائش کا دن ہے جب ایک عدالتی فیصلے کے تحت پاکستان کو ایٹمی دھماکوں کے ذریعے ناقابلِ تسخیر قوت بنانے والے ایک ایسے قومی رہنما کو ملک و قوم کی خدمت سے روک دیا گیا ہے جسے پاکستان کے عوام تین مرتبہ اپنا وزیراعظم منتخب کر چکے ہیں ۔

سپریم کورٹ کی طرف سے نواز شریف کے خلاف تاحیات نا اہلی کے فیصلے پر اپنے خیالات کا اظہار کرتے ہوئے محمد شہباز شریف نے کہا کہ نواز شریف محض ایک فرد کا نام نہیں،یہ ایک نظرئیے اور فلسفے کا نام ہے جس کی بنیادیں پاکستانی عوام کی خدمت ، آئین کی سربلندی اور ووٹ کی حرمت پر استوار ہیں۔

ایڈورٹائیزمینٹ

شہبازشریف نے مزید کہا کہ میں سمجھتا ہوں کہ محمدنواز شریف جیسے رہنما اپنی جماعت اور اپنی عوام کی رہنمائی کیلئے کسی روایتی عہدے اور منصب کے مرہون منت نہیں ہوتے ۔ اس فیصلے کے باوجودمحمد نوازشریف کی جماعت ان کی رہنمائی میں ملک کی سب سے بڑی سیاسی جماعت کے طور پر زندہ ہے اور زندہ رہے گی ۔





Source link

اس خبر پر اپنی رائے کا اظہار کریں

Leave a Reply