14

قومی خبریں – اقامے سے متعلق سہیل انور سیال کو نوٹس جاری – Latest News

اقامے سے متعلق سہیل انور سیال کو نوٹس جاری

سندھ ہائیکورٹ نے صوبائی وزیر داخلہ سہیل انور سیال کے اقامے سے متعلق وفاقی حکومت، چیف الیکشن کمشنر، سہیل انور سیال و دیگر کو نوٹس جاری کر دیئے۔

دو رکنی بینچ کے روبرو صوبائی وزیر داخلہ سہیل انور سیال کے اقامہ سے متعلق درخواست کی سماعت ہوئی۔ درخواست گزار اللہ بخش امڑ کے وکیل نے موقف اختیار کیا کہ سہیل انور سیال نے اقامہ حاصل کیا لیکن سیاسی گوشواروں کی تفصیلات میں اس کا ذکر نہیں کیا۔

سہیل انور سیال 2014 میں حلقہ 35 سے رکن سندھ اسمبلی منتخب ہوئے ۔ان کے پاس 2014 سے متحدہ عرب امارات کا اقامہ ہے ۔ لہذا استدعا ہے کہ سہيل انور سيال صادق اور امين نہیں رہے، انہیں نااہل قرار ديا جائے۔

سماعت کے دوران سرکاری وکیل شبیر شاہ نے مداخلت کرتے ہوئے کہا کہ یہ پٹیشن تین روزمیں غیر موثر ہو جائے گی۔ 28 مئی کی رات حکومت سندھ کی مدت ختم ہو جائے گی۔ یہ درخواست بھی غیر موثر ہو جائے گی کیونکہ 28 مئی کے بعد سہیل انور سیال کے پاس پبلک آفس نہیں ہوگا۔

عدالت نے وفاقی حکومت، چیف الیکشن کمشنر، سہیل انور سیال و دیگر کو نوٹس جاری کرتے ہوئے 5 جون تک جواب طلب کرلیا۔

Chatاپنی رائے سے آگاہ کریں

قومی خبریں سے مزید





Source link

اس خبر پر اپنی رائے کا اظہار کریں

Leave a Reply