14

بغیر کھیلے مانچسٹر سٹی انگلش لیگ کی فاتح بن گئی

فٹبال

تصویر کے کاپی رائٹ
AFP

انگلینڈ میں پریمئیر لیگ فٹبال میں مانچسٹر یونائیٹڈ کی حیران کن ہار کے باعث ان کے روایتی اور شہری حریف مانچسٹر سٹی نے لیگ میں فتح اپنے نام کر لی ہے اور اس طرح انھوں نے گذشتہ سات سیزن میں اپنی تیسری کامیابی حاصل کر لی ہے۔

مانچسٹر یونائیٹڈ کی ٹیم اپنے میدان پر ویسٹ برام سے مقابلہ ایک صفر سے ہار گئی۔

مانچسٹر سٹی نے اب تک لیگ میں 33 کیھلے ہیں اور پانچ میچ کھیلنا ابھی باقی ہیں۔ انھوں نے لیگ میں اب تک 93 گول سکور کیے ہیں اور صرف دو میچوں میں ان کو شکست ہوئی ہے۔

مانچیسٹر یونائیٹڈ سب سے ’قیمتی فٹبال کلب‘

انگلینڈ کی لیگ میں جیت مانچسٹر سٹی کے مینیجر پیپ گارڈیولا کے کیرئیر کی 24ویں کامیابی ہے۔

اس سے قبل وہ سپین میں بارسلونا کے ساتھ اور جرمنی میں بائرن میونخ کے ساتھ بھی لیگ ٹائٹل جیت چکے ہیں۔

سال 2008 میں متحدہ عرب امارات کے شیخ منصور بن زاید ال نہیان نے مانچسٹر سٹی کی ملکیت حاصل کی تھی جس کے بعد سے کلب مختلف مقابلوں میں سات ٹرافی جیت چکا ہے۔

اس ہفتے ہونے والے مقابلوں کے بعد مانچسٹر سٹی کے اب 87 پوائنٹس ہیں جبکہ مانچسٹر یونائیٹڈ کی ٹیم 33 میچوں میں 71 پوائنٹس کے ساتھ دوسرے نمبر پر ہے۔



Source link

اس خبر پر اپنی رائے کا اظہار کریں

Leave a Reply