10

انگلینڈ اور آئرلینڈ کے لیے پاکستانی سکواڈ کا اعلان، یاسر، وہاب باہر

پاکستانی ٹیم

تصویر کے کاپی رائٹ
Getty Images

اتوار کو دورۂ انگلستان اور آئرلینڈ کے لیے پاکستان کے قومی ٹیسٹ کرکٹ سکواڈ کا اتوار کو اعلان کر دیا گيا ہے۔

قومی کرکٹ ٹیم کے چیف سیلیکٹر انضمام الحق نے لاہور میں سکواڈ میں شامل 16 کھلاڑیوں کے ناموں کا اعلان کیا۔

ٹیم کے کپتان سرفراز احمد ہوں گے، جب کہ بقیہ کھلاڑیوں میں اظہرعلی، سمیع اسلم، امام الحق، فخر زمان، اسد شفیق، حسن علی، فہیم اشرف، راحت علی، محمد عباس، عثمان صلاح الدین، شاداب خان، محمد عامر، بابر اعظم، حارث سہیل اور سعد علی شامل ہیں۔

ٹیم آئرلینڈ کے خلاف ایک ٹیسٹ اور انگلینڈ کے خلاف 24 مئی اور یکم جون کو دو ٹیسٹ میچ کھیلے گی۔

تصویر کے کاپی رائٹ
Getty Images

انضمام الحق نے سکواڈ کا اعلان کرتے ہوئے کہا کہ چونکہ ورلڈ کپ انگلینڈ میں ہو رہا ہے، اس لیے زیادہ سے زیادہ نوجوان کھلاڑیوں کو موقع دیا گیا ہے۔

انھوں نے کہا کہ ‘کھلاڑیوں کا انتخاب کرتے ہوئے ہم نے بیٹنگ آرڈر مضبوط کرنے کی کوشش کی ہے۔ سب کو موقع ملے گا۔’

پاکستان کے چیف سیلیکٹر کا کہنا تھا کہ میچ کے دنوں میں انگلیڈ اور آئرلینڈ میں گیند کے سوئنگ کرنے کا امکان زیادہ ہے اس لیے بلےبازوں کو احتیاط سے کھیلنا پڑے گا۔

انھوں نے کہا کہ یاسر شاہ کا ان فٹ ہونا ٹیم کے لیے بہت بڑا نقصان ہے۔



Source link

اس خبر پر اپنی رائے کا اظہار کریں

Leave a Reply